Êpul gĭt gai bruă ruah phung bi ala Bruă Kƀĭn Ala leh anăn Êpul gơ̆ng bruă ƀuôn sang dŭm gưl čar Quãng Ngãi kƀĭn gưl tal êlâo
Thứ năm, 09:26, 18/09/2025
Pô mblang Y-Bel Êban/VOV Tây Nguyên
Pô mblang Y-Bel Êban/VOV Tây Nguyên
VOV.Êđê- Êpul gĭt gai ruah phung bi ala Bruă Kƀĭn Ala gưl 16 leh anăn ruah phung bi ala Êpul gơ̆ng bruă ƀuôn sang dŭm gưl čar Quãng Ngãi wưng thŭn 2026 – 2031 mkŏ mjing gưl kƀĭn tal 1 čiăng brei klei blŭ mguôp kơ đa đa mta phŭn mprăp kơ klei ruah khua.
Klei ruah phung bi ala Bruă Kƀĭn Ala gưl 16 leh anăn ruah phung bi ala Êpul gơ̆ng bruă ƀuôn sang dŭm gưl čar Quãng Ngãi wưng thŭn 2026 – 2031 dưi ngă hlăm hruê 15/3/2026. Anei jing bruă kđi čar yuôm bhăn mkŏ mjing leh klei kƀĭn kluôm bruă Đảng čar Quãng Ngãi gưl tal 1, Klei kƀĭn phung bi ala kluôm ala mơ̆ng Đảng tal 16.
Bùi Thị Quỳnh Vân, khua bruă Đảng čar Quảng Ngãi mñă kơ adŭ bruă Đảng čar bi mguôp hŏng dŭm anôk bruă djŏ tuôm mjêč bi leh hdră êlan ngă klei ruah khua. Khua bruă Đảng čar Quảng Ngãi bi tŭ ư mkŏ mjing êpul đru bruă mơ̆ng êpul gĭt gai klei ruah khua čar, mñă brei bi leh bruă mkŏ mjing êpul ruah khua gưl čar leh anăn gưl ƀuôn hgŭm êlâo kơ hruê 30/11/2025.
Viết bình luận