Klah čŭn klei bi kƀĭn, Khua gĭt gai Đảng Tô Lâm đánh bi mni kơ Êpul khua kiă kriê gưl dlông, dŭm knơ̆ng bruă êpul bruă gĭr leh jih hnơ̆ng bi leh sa bruă prŏng, mâo klei tŭ dưn, hŏng hdră mă bruă mrâo, djŏ hdră êlan lehanăn lŏ čuê dŭm boh tŭ dưn hlăm bruă hlue ngă hdră mtrŭn mrô 18.

Êdah êdi jing dŭm knơ̆ng dhar bruă, anôk bruă đảng gưl dlông, knŭk kna, bruă kƀĭn ala, lehanăn dŭm anôk bruă kđi čar, bruă yang ƀuôn hlăm gưl dlông ba akŏ sơăi, pral lŏ bi ksiêm wĭt, lŏ dăp wĭt bi jăk jih jang bruă adôk, kñăm bi leh djŏ hŏng mta čuăn. Khua gĭt gai Đảng Tô Lâm mtă hlăm wưng ti anăp lŏ dơ̆ng ngă bi jăk, hŏng klei khuăt jih jang êpul mă bruă, klei anei amâo mâo djŏ knŏng ngă sa blư̆, boh tŭ dưn mâo ba wĭt jing yuôm bhăn, ƀiădah knŏng jing knhuang tal êlâo, lŏ bi ksiêm duah, bi kjăp êpul mă bruă, bi leh bruă hŏng klei kjăp, mđĭ boh tŭ dưn bruă knuă mă./.