Khua gĭt gai Đảng Tô Lâm brei thâo ti anôk bi kƀĭn tal anei, gưl dlông trông čhai mă klei blŭ kơ 3 êpul bruă yuôm bhănjing: Ksiêm wĭt hdră mtrŭn 18 mơ̆ng gưl dlông, kơ klei mlih mrâo, dăp wĭt mnuih mă bruă hŏng klei khuăt jih jang bruă kđi čar, mă bruă hŏng klei tŭ dưn, bruă čoh čuăn mta kñăm đĭ đĭ kyar GDP thŭn 2025 mơ̆ng 8% dlông; bruă knuă druh tui si klei dưi mơ̆ng gưl dlông, hâo mdah ksiêm wĭt klei kiă kriê, gĭt gai mơ̆ng phŭn bruă kđi čar, êpul khua kiă kriê bruă Đảng gưl dlông 2024; hâo mdah, ksiêm wĭt bruă kăp ksiêm thŭn 2024 lehanăn tă hdră kăp ksiêm bruă knuă thŭn 2025.

Kơ bruă ksiêm wĭt hdră mtrŭn mrô 18, Khua gĭt gai Đảng Tô Lâm mtă jing bruă yuôm bhăn hlăm klei bi kƀĭn anei. Phŭn bruă kđi čar, êpul khua kiă kriê braŭ Đảng gĭt gai leh ktang hlue ngă hdră mtrŭn mrô 18 lehanăn ngă klei bi hmô bruă dăp ĭt mnuih ngă bruă hŏng klei kjăp, djŏ hŏng hdră mtrŭn mơ̆ng Đảng, klei bhiăn ktrâo atăt mơ̆ng gưl dlông./.