Thŭn 2024, Knơ̆ng kiă kriê kahan ksiêm knhăk ngă leh jăk bruă kăp kčĕ hdră êlan hŏng Đảng, Knŭk kna, bruă Đảng kahan ksiêm gưl dlông, Phung khua kiă kriê phŭn bruă kahan ksiêm kơ bruă răng mgang klei êđăp ênang lăn car, rơ̆ng kiă kriê bi kjăp djăp anôk, dŭm anôk bi kƀĭn yuôm bhăn  kơ lăn car, dŭm êpul eya mơ̆ng ala tač êngao hriê čhưn lehanăn mă bruă ti Việt Nam. Khua lăn čar mñă, thŭn 2025 jing thŭn yuôm bhăn êdi, jing thŭn mkŏ mjing klei bi kƀĭn prŏng Đảng dŭm gưl anăp truh klei bi kƀĭn prŏng Đảng kluôm ala gưl 14, lehanăn lu bruă yuôm bhăn kơ kđi čar, dhar kreh prŏng hlăm lăn čar.

Kyuanăn, jing bruă ktrŏ hŏng kahan ksiêm knhăk hlăm thŭn 2025 lehanăn hlăm dŭm thŭn tinăp. Čiăng dưi păn kjăp jih jang bruă hlăm boh klei mrâo, Khua lăn čar mtă kơ kahan ksiêm knhăk lŏ dơ̆ng ksiêm duah, hlue ngă kjăp dŭm hdră mtrŭn, hdră êlan mơ̆ng Đảng, klei bhiăn knŭk kna, răng mgang kjăp klei êđăp ênang lăn čar, yang ƀuôn lehanăn mkŏ mjing êpul kahan kjăp hlăm boh klei mrâo./.