Hlăm jar Klei bi kƀĭn Anôk bruă gĭt gai Êpul hgŭm bruă kƀĭn ala blŭ klei Prăng (APF) leh anăn Klei bi kƀĭn Bruă kƀĭn ala bi hgŭm blŭ klei Prăng kơ bruă lŏ hma hơĭtt kjăp leh anăn mdrơ̆ng hŏng klei bi mlih yan adiê, ti ƀuôn prŏng Cần Thơ, Khua bruă kƀĭn ala Trần Thanh Mẫn drông leh Khua bruă kƀĭn ala Cộng hòa Dân chủ Congo Vital Kamerhe.

Hlăm mmông drông, Khua bruă kƀĭn ala bi mklă, Việt Nam dlăng myuôm klei bi hgŭm knhuah gru hŏng Cộng hòa Dân chủ Congo, dua ala čar mkŏ mjing leh klei bi hgŭm mơ̆n êlâo kơ mâo klei êngiê (hruê 13/4/1961); bi mni kơ boh tŭ đĭ kyar bruă duh mkra, klei gĭr hơĭt kjăp kđi čar mơ̆ng Cộng hòa Dân chủ Congo hlăm wưng êgao, đru mđĭ kơhưm ala čar ti krĭng wăl. Lač klă, klei bi hgŭm bruă kƀĭn ala jing sa hdră yuôm bhăn hlăm klei bi hgŭm jăk siam plah wah dua ala čar hlăm bruă dua nah leh anăn lu tĭng, Khua bruă kƀĭn ala Trần Thanh Mẫn čang hmăng, hlăm wưng kơ anăp mđĭ klei bi hgŭm dua bruă kƀĭn ala, hlăm anăn dua tĭng bi trông êpul gưl dlông plah wah khua gĭt gai Bruă kƀĭn ala dua ala čar, ăt msĕ mơh dŭm anôk bruă thơ̆ng mơ̆ng dua Bruă kƀĭn ala.