Gia Lai iêo jak phung duh bi liê 3 mta bruă bi êran pui kmlă hŏng ai angĭn
Thứ năm, 10:57, 15/01/2026
Pô mblang: Y-Khem Niê
Pô mblang: Y-Khem Niê
VOV.Êđê - Knơ̆ng bruă sang čư̆ êa čar Gia Lai mrâo mâo leh klei iêo jak duh bi liê kơ 3 mta bruă bi êran pui kmlă hŏng ai angĭn, mâo Sang bi êran pui kmlă hŏng ai angĭn Vân Canh 1, Vân Canh 2 lehanăn Vĩnh Thuận, hŏng ênoh bi liê jih jang êbeh 19.000 êklai prăk.
Hlăm anăn, sang bi êran pui kmlă hŏng ai angĭn Vân Canh 1 srăng rŭ mdơ̆ng ti ƀuôn hgŭm Canh Liên, hŏng boh ktang 160MW, prăk bi liê jih jang êbeh 6.900 êklai prăk, bi Vân Canh 2 rŭ mdơ̆ng ti ƀuôn hgŭm Canh Liên lehanăn ƀuôn hgŭm Vân Canh, hŏng boh ktang 180MW, prăk bi liê jih jang êbeh 7.770 êklai prăk.
Ară anei knơ̆ng bruă tuh tia Sài Gòn – Bắc Giang mâo hdră êlan duh bi liê kơ dua mta bruă anei. Bi sang bi êran pui kmlă hŏng ai angĭn Vĩnh Thuận, rŭ mdơ̆ng ti ƀuôn hgŭm Vĩnh Quang, hŏng boh ktang 143MW, ênoh bi liê giăm 4.700 êklai prăk, lehanăn mâo leh klei bi tŭ ư ruah pô rŭ mkra./.
Viết bình luận