Mta kñăm jing dŭm dhar bruă, alŭ wăl srăng đĭ kyar mơ̆ng 8,8% kơ dlông. Bruă sang čư̆ êa čar Gia Lai bi klă kñăm kơ klei mđĭ kyar klei kreh knhâo mrâo mrang, Ai, chíp bán dẫn, pui kmlă doh, bruă lŏ hma kdrăp mrâo mrang leh anăn bruă duh mkra mrô. Mta kknăm mđĭ kyar kah knar mơ̆ng čar hlăm thŭn jing mơ̆ng 8,8% - 9,4%, hŏng wưng tlâo mlan tal 1 mâo 9,3 -10%, wưng tlâo mlan tal 2 mâo 8,0%–8,7%; wưng tlâo mlan tal 3 leh anăn tal 4 mơ̆ng 8,9%–9,5%.

Hŏng tur knơ̆ng anei, Bruă sang čư̆ êa čar Gia Lai jao kơ dŭm knơ̆ng, dhar bruă, alŭ wăl rơ̆ng kơ klei đĭ kyar amâo mâo ƀiă hĭn hnơ̆ng kah knar mơ̆ng čar. Hlăm klei kƀĭn trông, Phạm Anh Tuấn- khua Bruă sang čư̆ êa čar Gia Lai mñă kơ khua Bruă sang čư̆ êa dŭm ƀuôn hgŭm đua klam kluôm, rơ̆ng kơ amâo mâo sa mta hdră êmưt kyua klei kpăk anôk ala amâodah hră mơar.