Hlăm anăn dua hdră bruă phŭn jing êlan êdeh phiơr êran mrô 2 hŏng dŭm hdră bruă mkăn ti Tač êdeh phiơr Phù Cát (ênoh bi liê êbeh 3.200 êklai prăk) leh anăn Hdră bruă wăl tuh tia mkra mjing Phù Mỹ. Mbĭt anăn čar ăt mphŭn rŭ mdơ̆ng 6 hdră bruă mkăn mâo: Wăl mkra mjing mnơ̆ng dhơ̆ng lŏ hma, dliê kmrơ̆ng sa anôk Vinanutrifood,  Mkŏ mjing leh anăn Mnia blei kdrăp mnơ̆ng wăl tuh tia mkra mjing Bình Thành, hdră bruă êlan dơ̆ng mkŏ nah Yŭ čar truh ktuê hang ksĭ alŭ wăl Phù Mỹ, mkŏ mjing mblei kdrăp mnơ̆ng wăl tuh tia mkra mjing Cát Hiệp, Wăl tuh tia mkra mjing Cát Hanh, mkŏ mjing ktuê êlan dar nah dhŭng Phú Phong.

Dŭm hdră bruă amâo djŏ knŏng mjing boh kdrŭt mđĭ kyar anôk bruă êlan klông nah gŭ- êlan êdeh phiơr ôh ƀiădah lŏ pŏk êlan mrâo kơ bruă tuh tia mkra mjing, logistics leh anăn êa pui êwa čuh doh ti alŭ wăl.