Gưl tal êlâo leh êbeh 50 thŭn, 92 čô mniê mnah knong Thủ Dầu Một lŏ bi tuôm
Thứ năm, 08:00, 30/04/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Hlăm ai êwa lăn čar mđing truh bi hdơr 51 thŭn hruê Mtlaih êngiê kwar Dhŭng, hluh hlir lăn čar, sa klei bi tuôm mgai ai tiê mrâo mkŏ mjing ti ƀuôn prŏng Thủ Dầu Một, ƀuôn prŏng Hồ Chí Minh. Gưl tal êlâo, phung mniê lĭng kahan hlăm 5 êpul mnah knong čar Thủ Dầu Một hlăm ênuk mblah Mi dưi truh hlăm mmông bi tuôm.
Anei jing hdră bruă yuôm bhăn mơ̆ng Êpul hgŭm bruă Knhuah gru krŭ kdơ̆ng ƀuôn prŏng Hồ Chí Minh bi mguôp mkŏ mjing. 92 čô nao hlăm mmông bi tuôm jing dŭm knuh mnga msei mơ̆ng dŭm anôk bruă: Tân Uyên, Dầu Tiếng, Bến Cát, Thuận An leh anăn Châu Thành. Hlăm săp pui ênuk bi blah ktang phĭt, phung mniê êra anăn lui leh thŭn mda, djă phao, dôk ti kdrăn mblah čiăng mkŏ mjing klei tŭ dưn hing ang, đru čih kač hƀuê ênuk mtlaih êngiê djuê ana, hluh hlir lăn čar.
Ƀŭk diñu ară anei kô̆, kngan ktư̆, ƀiădah hdơr nanao mmông huă hlăm dliê pĭt hlăm ƀăng, ală mta grăp čô ƀuh klei ktưn hưn.
Viết bình luận