Tlam mbrue (24/9), ti Ƀuôn hgŭm Ƀuôn Ama Thuôt, Knơ̆ng bruă hiu čhưn ênguê Hà Nội bi hgŭm leh hŏng Knơ̆ng bruă dhar kreh, mjuăt asei mlei lehanăn hiu čhưn ênguê dŭm boh čar Daklak, Gia Lai, Khánh Hòa, Lâm Đồng lehanăn Quảng Ngãi mkŏ mjing klei trông čhai, hưn mdah lehanăn bi hgŭm klei mđĭ kyar bruă hiu čhưn ênguê. Klei bi kƀĭn anei kñăm hyuă kjăp hĭn klei bi hgŭm thâo dưn yua jih klei găl mơ̆ng 6 alŭ wăl, kñăm anăp truh mkŏ sa hdră êlan mlih čar, mlir krĭng hŏng lu hdră jăk kơ pă êpul bruă msĕ si Dhar kreh – knhuah gru; lăn ala dliê kmrơ̆ng hŏng klei hiu lông ngă; mnơ̆ng ƀơ̆ng huă hŏng klei blei mprăp; bruă hiu čhưn ênguê bi mguôp klei trông čhai, lehanăn bruă mjuăt asei mlei.

Leh hưn mthâo kơ jih jang bruă knơ̆ng, bi hưn mdah kơ klei bi đru hlăm bruă hiu čhưn ênguê mguôp hŏng dhar kreh, hŏng bruă lŏ hma, čiăng bi mâo hdră êlan mđĭ kyar kjăp, mâo klei dưi mkŏ kjăp pral klă mngač plah wah phung duh mkra hŏng tue hiu čhưn.  VOV.Êđê- Knơ̆ng bruă hiu čhưn ênguê Hà Nội lehanăn knơ̆ng bruă dhar kreh, mjuăt asei mlei lehanăn hiu čhưn ênguê 5 čar: Dak Lak, Gia Lai, Lâm Đồng, Quảng Ngãi, Khánh Hòa mâo kuôl kă leh klei bi hgŭm mđĭ kyar bruă hiu čhưn ênguê wưng thŭn 2026 – 2030. Anei jing knhuang yuôm bhăn, čiăng bi kjăp hdră êlan bi hgŭm, mđĭ kyar bruă hiu čhưn ênguê kjăp hlăm wưng tinăp./.