Hŏng ai tiê “Thâo bi khăp, đru čung ba”, “hla hmum luôm hla tĭ”, Sang mđung rup kdrăp mrô VTC, Anôk bruă hưn mthâo hdră mtô mlang Oscar (Oscar Media) lehanăn Hră klei mrâo Hà Nội mrâo mkŏ mjing leh Hdră kdŏ mmuñ “Hgŭm kngan hŏng mnuih ƀuôn sang krĭng êa lip lêč” hŏng akŏ “Việt Nam kjăp ktang” hlăm mmăt hruê 17/9 mbruê ti Anôk bruă kdŏ mmuñ Âu Cơ, Hà Nội. Hdră anei dưi mđung rup ti mmông anăn mtam hlăm hdră mđung rup VOVTV, VTC1. VTC3; dưi lŏ mđung hlăm dŭm kdrăp mrô VTC Now, Báo Điện tử VTC News, Hră klei mrâo Hà Nội mrâo điện tử; mđung mmông anăp mtam hlăm YouTube Tự Hào Việt Nam lehanăn êbeh 30 Anôk bruă mđung asăp – mđung rup kluôm ala.

Anei jing hdră mđing truh kơ mnuih ƀuôn sang dôk hmăi mơ̆ng angĭn êbŭ, jih jang mnuih mă bruă mbĭt hŏng êbeh 100 čô mbruă nao hgŭm, hŏng klei khăp, hŏng dŭm klei mmuñ, iêu mthưr phung mâo ai tiê kmah đru kơ mnuih ƀuôn sang. Jih jang ênoh prăk đru dưi ba mơĭt kơ alŭ wăl hmăi mơ̆ng gưl angĭn êbŭ hluê hŏng Anôk bruă Mặt trận čar kwar Việt Nam./.