Êlan dơ̆ng pral Chí Thạnh – Vân Phong mâo ênoh duh bi liê giăm 11.000 êklai prăk, mơ̆ng êpul kriê dlăng hdră êlan mrô 7 jing pô duh bi liê. Hdră mâo boh taih hlăm brô 48km, anôk kčưm mkŏ hŏng êlan dơ̆ng pral Quy Nhơn - Chí Thạnh; anôk knhal tuč mkŏ hŏng êlan dơ̆ng mrô 1 (să Hoà Xuân), mkŏ hŏng êlan nah dưr kčŭn čư̆ Đèo Cả leh anăn êlan dơ̆ng pral Vân Phong - Nha Trang.

Hdră dôk hlăm wưng ngă bruă mjêč, găp hruê pô  ngă bruă dăp dŭm pluh boh êdeh mă bruă mbĭt hŏng dŭm êtuh čô mă bruă. Hdră mĭn tĭng bi leh hlăm hruê 10/2 kơ anăp (êlâo kơ wưng Tết Nguyên đán Bính Ngọ), kñăm tŭ drông Klei kƀĭn prŏng tal 14 mơ̆ng Đảng, mbĭt anăn bi leh êlan dơ̆ng pral Dưr - Dhŭng, mkŏ mjing boh kdrŭt yuôm bhăn mtrŭt mđĭ klei mnia mblei leh anăn mđĭ kyar bruă duh mkra ala ƀuôn čar Dak Lak.