Tŭ ư asăp jak iêô mơ̆ng Khua gĭt gai Đảng Cộng sản Việt Nam Tô Lâm leh anăn mô̆ ñu, hruê anei (26/1), Khua gĭt gai gưl dlông Đảng Nhân dân Cách mạng Lào, Khua lăn čar Dân chủ Nhân dân Lào Thongloun Sisoulith leh anăn mô̆ ñu mphŭn bruă ngă nao čhưn gưl knŭk kna ti Việt Nam, sui truh hruê 27/1.

Bruă Khua gĭt gai Đảng Khua lăn čar Lào ruah Việt Nam jing anôk truh tal êlâo leh Klei bi kƀĭn phung bi ala kluôm ala tal XII mơ̆ng Đảng Nhân dân Cách mạng Lào bi êdah klă Lào dlăng myuôm leh anăn mđing mrô sa klei bi hgŭm hŏng Việt Nam hlăm hdră êlan hŏng tač êngao. Gưl čhưn kñăm hơêč hmưi tŭ jing Klei bi kƀĭn phung bi ala kluôm ala tal XIV mơ̆ng Đảng Cộng sản Việt Nam, mbĭt anăn bi mklă klei đăo knang kđi čar êlam leh anăn ƀuăn rơ̆ng hdră êlan sui plah wah dua Đảng, dua Knŭk kna leh anăn mnuih ƀuôn sang dua ala čar hlăm wưng kơ anăp.