Hluê si Knơ̆ng bruă sang čư̆ êa čar Khánh Hòa, mta phŭn ksiêm dlăng hlăm dŭm hnơ̆ng čuăn phŭn mâo: Ênoh mnuih, ênoh ƀuôn prŏng, hdră mđĭ kyar bruă duh mkra – ala ƀuôn, hdră anôk bruă nah gŭ krĭng ƀuôn prŏng, hlăm ala ƀuôn; klei thâo kriê dlăng ƀuôn prŏng, răng mgang wăl hdĭp mda, mdrơ̆ng hŏng klei bi mlih yan adiê lehanăn rơ̆ng hdră lĭng kahan, răng mgang klei êđăp ênang.

Hluê anăn, dŭm knơ̆ng bruă, alŭ wăl brei bi mklă dŭm hnơ̆ng čuăn dưi mâo, ka mâo, mta phŭn lehanăn hdră msir mghaih. Mđrĭng hŏng bruă bi leh hnơ̆ng čuăn ƀuôn prŏng, Khánh Hòa bi mklă wưng thŭn 2026 – 2030 jing wưng đĭ kyar pral, gĭr mâo hnơ̆ng đĭ kyar 2 mrô, mguôp hŏng hdră bi mlih gru hmô đĭ kyar êlam hĭn. Čiăng dưi mâo mta kñăm thŭn 2027 Khánh Hòa jing ƀuôn prŏng hlăm Gưl dlông, čar mđing jak ieue klei duh bi liê hlăm bruă tuh tia yua kdrăp mrâo, tuh tia mtah, logistics, duh mkra êa ksĭ, buôn prŏng thâo mĭn lehanăn hiu čhưn mâo hnơ̆ng tŭ jăk./.