Khua bi ala knŭk kna Lào ti China hơêč hmưi klei bi hdơr 80 thŭn hrue kgŭ krŭ kdơ̆ng mlan 8, lehanăn hrue mkŏ mjing lăn čar Việt Nam
Thứ sáu, 08:00, 29/08/2025
Y-Khem Niê/VOV Tây Nguyên
Y-Khem Niê/VOV Tây Nguyên
VOV.Êđê- Anăp truh kơ klei bi hdơr 80 thŭn hrue kgŭ krŭ kdơ̆ng mlan 8, lehanăn hrue mkŏ mjing lăn čar hrue 2/9, Khua bi ala knŭk kna Lao ti China (Somphone Sichaleune) djă êpul bi ala knŭk kna Lao ti Bắc Kinh nao čuă lehanăn hơêč hmưi Khua bi ala knŭk kna Phạm Thanh Bình lehanăn jih jang phung knuă druh mnuih mă bruă anôk bruă bi ala knŭk kna Việt Nam ti China.
Khua bi ala Somphone Sichaleune lač, Đảng, dua knŭk kna, dua djuê ana lehanăn mnuih ƀuôn sang dua ala čar sĭt suôr mbĭt thâo bi đru dơ̆ng mơ̆ng ênuk bi blah, truh kơ klei rŭ mdơ̆ng lăn čar ară anei, jing leh klei dleh dưi mâo êdi hlăm klei bi mguôp anei.
Dua nah lŏ bi tŭ ư hyuă kjăp hĭn, lehanăn bi mjĕ êrô khua bi ala plah wah dua ala čar ti ala čar China, kñăm mâo klei thâo bi mguôp kjăp hĭn Việt Nam – Lào.
Viết bình luận