Ti anôk nao čuă, Khua bruă Đảng čar Lâm Đồng hưn mthâo leh boh tŭ Klei kƀĭn phung bi ala kluôm ala čar tal XIV mơ̆ng Đảng, dŭm bruă phŭn kñăm hnưm ba Hdră mtrŭn Klei bi kƀĭn XIV mŭt hlăm klei hdĭp. Y Thanh Hà Niê Kđăm bi myuôm dŭm klei gĭr mơ̆ng bruă Đảng, bruă knŭk kna lehanăn mnuih ƀuôn sang Phú Quý hlăm hdră mđĭ kyar bruă duh mkra – ala ƀuôn mguôp hŏng bruă răng mgang klei êđăp ênang krĭng ksĭ; mbĭt anăn mơĭt asăp hơêč hmưi thŭn mrâo truh kơ jih jang knuă druh, đảng viên, lĭng kahan lehanăn mnuih ƀuôn sang ti plao ksĭ.

Bri gưl anei, êpul jao leh 67 hnư mnơ̆ng kơ bruă bruă Đảng, Êpul gơ̆ng bruă ƀuôn sang, Knơ̆ng bruă sang čư̆ êa čar, Dhar bruă mặt trận ti Phú Quý, mbĭt hŏng dŭm êpul dôk mă bruă klam ti alŭ wăl. Leh kơnăn, êpul nao čuă, hơêč hmưi Têt Kđông kahan răng mgang ƀang jang knông lăn kdrŭn Phú Quý; jao, mđup brei mnơ̆ng kơ knuă druh, lĭng kahan, hơêč hmưi kluôm êpul bi leh jih bruă klam răng mgang klei êđăp ênang, kluôm dhuôm krĭng ksĭ hlăm wưng Têt djuê ana Bính Ngọ 2026.