Khua Bruă Kƀĭn Ala lač klă, bi mguôp Bruă Kƀĭn Ala amâo djŏ knŏng bruă kah mbha klei hriăm mkŏ mjing hdră bhiăn amâodah bi klă dŭm hdră mtrŭn. Anăn lŏ jing klei ƀuăn mjing klei blŭ jing bruă ngă, mjing klei mĭn jing klei sĭt leh anăn mjing kleoi hmăng hmưi jing klei găl kơ dŭm êklai čô mnuih ƀuôn sang tar rŏng lăn.

Kyuanăn, phung bi ala kơ klei mĭn, klei hmăng hmưi mnuih ƀuôn sang, srăng mâo klei rơ̆ng kjăp, dŭm hdră êlan, klei bhiăn lăn čar srăng dưi mkŏ mjing hluê si dŭm boh tŭ dưn kmeh gơ̆ng: klei êđăp ênang, klei kpă ênô leh anăn klei mtăp mđơr. Čiăng dưi mâo dŭm mta knăm, khua Bruă Kƀĭn Ala bi êdah 4 hdră êlan kơ klei bi mguôp Bruă Kƀĭn Ala hlăm wưng kơ anăp. Ñu iêo mthưr jih jang dŭm Bruă Kƀĭn Ala tar rŏng lăn tui duah klei msĕ, găn klei mdê hjăn, hrăm mbĭt mkŏ mjing sa êdei anăp, anôk grăp čô mnuih ƀuôn sang dưi hdĭp hlăm êđăp ênang, kpă ênô, mdrŏng sah./.