Hlăm klei bi tuôm hŏng khua Bruă Kƀĭn Ala Campuchia, aduôn Khuon Sudary, dua čô khua gĭt gai bi tŭ ư hlăm wưng kơ anăp lŏ dơ̆ng bi kjăp klei đăo knang bruă kđi čar, jêñ jêñ ngă klei nao čuă, bi tuôm dŭm gưl hlăm dŭm mta bruă, lŏ rơ̆ng kơ klei mjĕ mjuk Bruă Kƀĭn Ala dua ala čar čiăng kah mbha klei hriăm bruă čih mkra hdră bhiăn, ktuê dlăng leh anăn bi klă dŭm boh klei yuôm bhăn mơ̆ng lăn čar.

Hlăm klei bi tuôm hŏng khua Bruă Kƀĭn Ala Timor Leste, aduôn Maria Fernanda Lay,  Khua bruă kƀĭn ala Trần Thanh Mẫn mñă kơ dua tĭng hnưm mkŏ mjing klei kƀĭn tal êlâo mơ̆ng dhar bruă kluôm kơ klei bi mguôp bruă duh mkra – hdră mnêč Việt Nam - Timor-Leste čiăng bi trông kơ dŭm hdră êlan klă klơ̆ng hluê ngă klei bi mguôp hŏng klei kuôl kă dưi mâo leh, hluê ngă tŭ dưn dŭm klei kuôl kă ăt msĕ mơh hnưm bi klă dŭm hră mơar dua tĭng hlăm bruă sang hră mơar, mnia mblei, anôk bruă bi ala, klei kreh knhâo mrâo mrang – kdrăp mrâo, bruă hiu čhưn ênguê, pui kmlă doh.