Khua Bruă Kƀĭn Ala bi mni kơ boh tŭ dưn klei bi mguôp ƀrư̆ hruê ƀrư̆ kjăp leh anăn tŭ dưn plah wah Bruă Kƀĭn Ala dua ala čar, boh nik hlăm bruă hluê ngă klei bi klă mbĭt Việt Nam – Lào, klei kuôl kă plah wah dua Phŭn bruă kđi čar, Klei kuôl kă bi mguôp dua knŭk kna leh anăn hdră êlan bi mguôp plah wah dua anôk Bruă Kƀĭn Ala, đru ba klei mjĕ giăm Việt Nam – Lào mtrŭn agha êlam hĭn, hơĭt kjăp hĭn.

Hlăm mmông bi tuôm, dua nah bi tŭ ư mtrŭt mđĭ dŭm mta bruă tŭ dưn hĭn hlăm thŭn 2025, mprăp kơ gưl hriê čuă Việt Nam mơ̆ng Khua gĭt gai Lào ƀri wưng bi hdơr 80 hruê krŭ kdơ̆ng mlan 8 leh anăn hruê mkŏ mjing lăn čar 2/9, mtrŭt mđĭ dŭm klei bi mguôp Bruă Kƀĭn Ala dua tĭng leh anăn lu tĭng.