Blŭ pŏk klei bi kƀĭn, Khua bruă kƀĭn ala Trần Thanh Mẫn lač, anei jing klei bi kƀĭn tal êlâo hlăm mlan 1/2026, êjai kluôm ala dôk prăp êmiêt kơ klei bi kƀĭn prŏng Đảng 14 lehanăn bi hdơr 96 thŭn hrue mkŏ mjing Đảng Cộng sản Việt Nam; drông Tết djuê ana.

Ti anôk bi kƀĭn, klei hâo mdah mơ̆ng anôk bruă kăp ksiêm dlăng mơ̆ng mnuih ƀuôn sang, lač, mnuih ƀuôn sang lŏ dơ̆ng jưh knang prŏng kơ klei Đảng kiă kriê hlăm bruă mđĭ kyar lăn čar, ksiêm wĭt bruă bi hgŭm anôk bruă kƀĭn ala hŏgn anôk bruă knŭk kna, hlăm bruă sa ai hlue ngă dŭm hdră bhiăn, lehanăn klei knŭk kna kiă kriê. Khua bruă kƀĭn ala mtă kơ anôk bruă kăp ksiêm dlăng mơ̆ng mnuih ƀuôn sang, mđrăm mbĭt hŏng dŭm dhar bruă ksiêm dlăng bi kjăp klei kơ ênoh ênil hlăm wưng Tết Nguyên đán Bính Ngọ čiăng dưi hơĭt, mâo djăp ênŭm kơ mnuih ƀuôn sang, mđing kơ klei êđăp ênang yang ƀuôn êlâo, hlăm lehanăn êdei kơ klei bi kƀĭn prŏng Đảng lehanăn Tết Nguyên đán.