Khua bruă kƀĭn ala bi mni kơ dŭm boh tŭ dưn sang hră gưl prŏng Cần Thơ mâo mđing leh kơ hnơ̆ng tŭ bruă mjuăt bi hriăm, phung nai mtô jing lu phung knhăk mkă hŏng dŭm boh sang hră gưl prŏng mkăn.

Lehanăn mâo klei mtă kơ sang hră gưl prŏng Cần Thơ amâo djŏ knŏng mjuăt bi hriăm phung knuă druh  nai mtô kơ pô ƀiădah lŏ mjuăt bi hriăm knuă druh kơ bruă mđĭ kyar hlăm krĭng , nao hlăm klei mlih mrâo bruă mjuăt bi hriăm, mkŏ mjing dŭm hdră êlan mă bruă hlăm klei kreh knhâo, lehanăn iêo jak lu phung kreh knhâo hriê ksiêm duah. Sang hră gưl prŏng Cần Thơ lŏ mtô klei blŭ Khơ me, Lào kơ knuă druh mnuih ngă bruă hlăm krĭng dap mnai krông Cửu Long; mđĭ hĭn bruă ba yua klei kreh knhâo hlăm bruă lŏ hma, pioh duh mkra pla mjing mâo boh mnga čhĭ kơ ala tač êngao./.