Ară anei hlăm kluôm ala mâo 733 anôk bruă klei mrâo, hrŏ 189 anôk bruă mkă hŏng êlâo dih, đru hluê ngă hdră êlan bi khuăt mnuih mă bruă, mđĭ hĭn boh tŭ dưn klei ngă bruă. Hlăm mmông bi tuôm, dŭm anôk bruă klei mrâo akâo kơ Knŭk kna uêñ mĭn hdră êlan, klei đru, mkŏ mjing klei găl mđĭ klei čŏng pô leh anăn hnơ̆ng jăk klei čih.

Hơêč hmưi kơ phung čih klei mrâo, Khua Bruă Kbĭn ala Trần Thanh Mẫn čih yap dŭm klei đru mguôp mơ̆ng bruă klei mrâo hlăm bruă hâo hưn hdră êlan mơ̆ng Đảng, Knŭk kna, đru čih hưn bruă mkŏ dăp mtrŭt mđĭ klei đĭ kyar bruă klei mrâo. Klei mrâo ăt lŏ dơ̆ng bruă klam kmeh gơ̆ng hlăm bruă răng mgang klei mĭn mơ̆ng Đảng, bi kdơ̆ng hŏng dŭm klei mĭn soh čhuai, mkŏ mjing wăl anôk hâo hưn jăk leh anăn mâo bruă klam.