Ti dŭm anôk dôk mrâo alŭ K’Nơ̆ 5, să Dam Rông 4, lu gru kđang prŏng mâo ti dŭm ping čư jŭm dar anôk ƀuôn sang  dôk, arưp kơ êbeh 60 gŏ sang.

Ti êlan dơ̆ng mrô 28, găn kčŭn čư̆ Gia Bắc, dŭm êtuh m3 lăn klưh hlăm ƀô̆ êlan, bi kpăk êlan klông. Ti anăp boh sĭt yan adiê dleh ksiêm dlăng, dŭm dhar bruă dôk mjêč ksiêm dlăng dŭm alŭ wăl mâo klei arưp aram ktang, mđĭ hĭn klei ksiêm dlăng hjan hlĭm, bi êran ênao kdơ̆ng êa leh anăn mprăp êpul bruă, kdrăp yua hŏng hdră 4 tinăn mtam. Bruă sang čư̆ êa alŭ wăl ăt pơ̆ng mdhă hưn brei răng, kwang dar anôk arưp aram, mkŏ mjing hdră êlan mbĕ mnuih ƀuôn sang leh anăn hluê ngă bruă bi kjăp taluy, gang mkhư̆ klei klưh hroh čiăng bi hrŏ klei hmăi kơ mnuih leh anăn ngăn dŏ.