Tlam 29/12 mbruê, ti Hà Nội, Khua gĭt gai Đảng Tô Lâm mă leh bruă hŏng Anôk bruă mrô ala čar mrô 1. Dưi mkŏ mjing akŏ thŭn, ară anei Anôk bruă bi leh lu mta bruă mkăp kơ hdră kriê dlăng knŭk kna lehanăn mđĭ kyar bruă duh mkra – ala ƀuôn. Mbah hâo hưn bruă knŭk kna ala čar dưi hluê ngă hluê hdră “Sa ƀăng bhă”, đru bi hrŏ klei ngă hră mơar hluê kdrăp mrô dôk mâo… Ti anôk mă bruă, Khua gĭt gai Đảng bi mni kơ dŭm boh tŭ mâo Phŭn bruă kahan ksiêm, dŭm phŭn, dhar bruă djŏ tuôm lehanăn jih jang knuă druh, lĭng kahan ti Anôk bruă mrô ala čar dưi mâo wưng êgao.

Khua gĭt gai Đảng lač klă 3 klei dleh dlan ăt jing 3 “klei gun kpăk” brei hgao, anăn jing bruă hnơ̆ng tŭ jăk mrô, lăn êa mlih mrâo hluê kdrăp mrô, klei ngă phŭn mil pô hlăm bruă ba yua kdrăp mrô lehanăn klei thâo mnuih mă bruă dôk kƀah. Khua gĭt gai Đảng mtă kơ Anôk bruă mrô ala čar pŏk hluê ngă kjăp 5 hdră êlan phŭn, mđing mkŏ mjing Anôk bruă, klă sĭt jing “Kboh” mơ̆ng hdră duh mkra mrô, ala ƀuôn mrô, jing “kdrăp phŭn” đru hluê ngă tŭ dưn hdră kiă kriê mơ̆ng Đảng, Knŭk kna lehanăn kluôm ala ƀuôn./.