Bi klă hlăm mmông mă bruă, Khua gĭt gai Đảng Tô Lâm mñă kơ bruă Đảng knŭk kna bi mguôp hŏng dŭm anôk bruă mjêč bi klă boh tŭ dưn hluê ngă hdră mtrŭn mrô 19 kơ bruă lŏ hma, ƀĭng ngă lŏ hma, krĭng ƀuôn sang leh anăn hdră mtrŭn mrô 06 kơ klei čuăl mkă, mkŏ mjing, rŭ mdơ̆ng wăl krah.

Khua gĭt gai Đảng Tô Lâm mñă srăng bi klă kluôm dhuôm, ktrâo klă dŭm boh klei čiăng mkra mlih, mbĭt anăn ksiêm duah klă dŭm klei dlông dlăng mrâo leh mkŏ dăp anôk bruă knŭk kna, klei bi hmô bruă sang čư̆ êa alŭ wăl dua gưl. Êngao kơnăn, čiăng ksiêm duah hdră êlan mđĭ kyar wăl krah, krĭng ƀuôn sang mrâo mrang hlăm tar rŏng lăn čiăng bi mbŏ, mkra mlih, rơ̆ng kơ hdră mtrŭn găl guôp hŏng boh sĭt, dăp ênŭm klei čiăng mđĭ kyar lăn čar hlăn wưng mrâo.