Khua bruă Đảng tal sa, Khua lăn čar Cuba Miguel Diaz-Canel hơêč hmưi kơ Đảng drei mkŏ mjing tŭ dưn Klei kƀĭn bruă Đảng tal XIV, hơêč hmưi Anôk kriê dlăng bruă Đảng, Phŭn bruă kđi čar lehanăn Khua gĭt gai Đảng Tô Lâm dưi ruah hlăm wưng păn bruă mrâo. Khua gĭt gai Đảng Tô Lâm mñă, Klei bi kƀĭn bruă Đảng tal XIV tŭ jing jăk siam, bi leh bruă klam hƀuê ênuk yuôm bhăn. Klei kƀĭn ksiêm wĭt leh bruă hluê ngă Hdră mtrŭn Klei kƀĭn tal XIII, tĭng dlăng 40 thŭn mlih mrâo lehanăn boh tŭ hluê ngă Asăp mtrŭn, Hdră mđĭ kyar bruă duh mkra – ala ƀuôn, tă hdră êlan, bruă klam kơ 5 thŭn ti anăp, bi mklă bruă phŭn kơ êdei anăp mơ̆ng djuê ana Việt Nam hlăm ênuk đĭ kyar mrâo.

Khua gĭt gai Đảng Tô Lâm mñă Việt Nam dlăng myuôm klei bi mjĕ hŏng Cuba, mprăp ngă djăp bruă čiăng bi kjăp klei bi mguôp mâo mơ̆ng đưm, mđĭ boh tŭ hdră bi hgŭm dua nah, kyua klei tŭ dưn mơ̆ng mnuih ƀuôn sang dua ala čar, kyua klei êđăp ênang, hgŭm bruă lehanăn đĭ kyar ti krĭng lehanăn tar rŏng lăn./.