Phung bi ala čang hmăng klei mkra mlih êpul mă bruă srăng mjing tur knơ̆ng ba lăn čar mŭt hlăm ênuk đĭ kyar mrâo. Lu klei blŭ bi mni kơ bruă Phŭn bruă kđi čar mâo 7 Hdră mtrŭn yuôm bhăn hlăm thŭn 2025, hŏng bruă kƀĭn ala XV ksiêm dlăng, bi mklă lu hră čih hdră bhiăn leh anăn hdră mtrŭn prŏng. Kơ gru hmô knŭk kna dua gưl pŏk ngă mơ̆ng 1/7/2025, phung bi ala kơ mnuih ƀuôn sang čih yap lu boh tŭ klă mngač, boh nok hdră êlan msir mgaih klei dưi dưn hlue si Hdră mtrŭn 178 leh anăn 67.

Bi ala kơ Êpul bi ala Bruă kƀĭn ala Hà Nội, Khua gĭt gai Đảng Tô Lâm bi mklă klei mĭn năngt djŏ klă, mâo Phŭn bruă kđi čar, Anôk dlăng bruă Đảng khăng mđing uêñ, gĭt gai leh anăn hưn mdah klah čŭn čiăng rơ̆ng kơ êpul mă bruă knŭk kna alŭ wăl ngă bruă tŭ dưn, grăp knhuang ngă djŏ klei čiăng mđĭ kyar.