Ti anôk drông čhưn, Khua gĭt gai Đảng Tô Lâm lač Việt Nam čih pioh nanao klei sa ai, klei bi đru yuôm bhăn mơ̆ng mnuih ƀuôn sang Liên Xô, mnuih ƀuôn sang Rusia kah leh hŏng Việt Nam hlăm dŭm thŭm mlan găn hlăm klei bi blah, lehanăn hlăm bruă rŭ mdơ̆ng lehanăn răng mgang lăn čar, lŏ mñă Việt Nam dlăng myuôm klei bi mguôp mâo leh mơ̆ng đưm, jing ala car hgŭm kluôm dhuôm hŏng Russia, dlăng kơ Russia jing ala čar hgŭm yuôm bhăn tal êlâo hlăm hdră Việt Nam hgŭm hŏng ala tač êngao.

Khua gĭt gai Đảng Tô Lâm bi êdah leh jih jang hdră êlan prŏng, kñăm mtrŭn agha êlam hĭn klei bi hgŭm  Việt Nam – Russia hlăm wưng tinăp. Dua čô khua kiă kriê bi tŭ ư kơ hdră êlan prŏng klei bi mguôp kluôm ênŭm plah wah  Việt Nam –Russia./.