Ti knăm anei, dua tĭng tŭ ư mđĭ hdră bi trông, bi blŭ hrăm, bi kjăp klei đăo knang hlăm bruă kđi čar, mtrŭt mđĭ hdră bi tuôm, bi trông dŭm gưl, mjing tur knơ̆ng kơ hdră bi hgŭm dua nah đĭ kyar kluôm dhuôm, boh nik hlăm hdră duh mkra – mnia mblei, duh bi liê, bruă pui kmlă, êa pui – êwa čuh, bruă mtô bi hriăm, dhar kreh, hiu čhưn ênguê, bruă kreh knhâo – kdrăp mrâo lehanăn bi hgŭm alŭ wăl.

Dua tĭng ăt bi trông kơ bruă hlăm krĭng lehanăn tar rŏng lăn dôk mđing, bi hgŭm hlăm dŭm anôk bi kƀĭn trông lu ala čar, mñă lŏ dơ̆ng bi hgŭm, sa ai ti dŭm anôk bi kƀĭn trông lu tĭng. Khua knŭk kna Phạm Minh Chính mtă kơ Russia sa ai bruă rơ̆ng klei êđăp ênang, êngiê êlan êa lehanăn êlan phiơr ti krĭng ksĭ Ngŏ, msir mghaih dŭm klei bi kuan hŏng hdră msir êđăp ênang hluê djŏ hdră bhiăn tar rŏng lăn lehanăn Hdră bhiăn Êpul hgŭm lu ala čar, boh nik UNCLOS 1982.