Khua lăn čar Lương Cường bi êdah klei đru mguôp prŏng prĭn mơ̆ng dua čô khua lăn čar êlâo dih hŏng bruă cách mạng mơ̆ng Đảng, mđĭ k’hưm, klei dưi mơ̆ng lăn čar, lehanăn hyuă kjăp klei thâo bi mguôp jih jang djuê ana. Ƀri thŭn mrâo Ất Tỵ 2025 dơ̆ng truh, Khua lăn čar mđup brei leh mnơ̆ng Tết kơ phung khua lăn čar êlâo dih Trương Tấn Sang lehanăn Nguyễn Minh Triết, hơêč hmưi kơ diñu, mbĭt hŏng găp djuê thŭn mrâo mâo lu klei suaih pral, klei jăk jĭnm klei tŭ jing, drông yan mnga Ất Tỵ mơak mñai h’uh mđao.

Khua lăn čar êlâo dih Nguyễn Minh Triết lehanăn  Trương Tấn Sang bi êdah ai tiê hơ̆k mơak mâo klei phung khua kiă kriê Đảng, Knŭk kna, hlăm anăn jing khua lăn čar Lương Cường hriê čuă, mbĭt anăn bi êdah klei đăo knang kơ lăn čar pô srăng đĭ kyar hlăm thŭn 2025 păn kjăp klei Đảng kiă kriê ba wĭt boh tŭ dưn prŏng hĭn, mjing klei bluh đĭ prŏng hlăm bruă rŭ mdơ̆ng mđĭ kyar lăn čar ară anei./.