Hlăm mmông drông, Khua gĭt gai Đảng Tô Lâm mñă ktang dua ala čar mâo lu klei msĕ hlăm hdră êlan mđĭ kyar lăn čar, ăt mdưm mta kñăm jing ala čar đĭ kyar mrâo mrang leh 100 thŭn mkŏ mjing lăn čar (hŏng Việt Nam jing thŭn 2045, hŏng India jing thŭn 2047), kyuanăn čiăng mđĭ hĭn klei bi mguôp hlăm dŭm mta bruă, boh nik jing mtrŭt mđĭ klei bi mguôp bruă duh mkra, mnia mblei, duh bi liê năng hŏng klei găl.

Khua gĭt gai Đảng Tô Lâm bi myuôm êpul grŭp Adani uêñ mĭn leh anăn mkŏ mjing hdră êlan duh bi liê wưng sui ti Việt Nam, hluê anăn đru mđĭ hĭn klei bi mguôp dua anôk bruă duh mkra Việt Nam leh anăn India. Khua gĭt gai Đảng Tô Lâm čih yap dŭm klei bi êdah mơ̆ng Êpul grŭp, mñă kơ Êpul grŭp čŏng mă bruă hŏng dŭm Phŭn, dhar bruă, alŭ wăl mâo klei dưi čiăng bi trông, bi klă dŭm klei čuăn, hdră êlan bi mguôp, mơ̆ng anăn ngă dŭm hdră êlan duh bi liê ti Việt Nam.