Khua gĭt gai Đảng Tô Lâm drông Pô bi ala Campuchia Chea Kimtha hriê kkuh bi ktlah
Thứ năm, 10:45, 15/01/2026
Pô mblang: H’Nêč Êñuôl
Pô mblang: H’Nêč Êñuôl
VOV.Êđê - Tlam hruê 14/01/2026, ti Anôk bruă Đảng gưl dlông, Khua gĭt gai Đảng Tô Lam drông leh Chea Kimtha, Pô bi ala Campuchia hriê kkuh bi ktlah ƀri jih wưng păn bruă ti Việt Nam.
Ti knăm anei, Khua gĭt gai Đảng hơêč hmưi kơ dŭm boh tŭ mŏng Campuchia dưi mâo wưng êgao, bi êdah klei đăo knang Campuchia srăng krŏng kjăp klei êđăp ênang, hơĭt kjăp lehanăn đĭ kyar.
Khua gĭt gai Đảng mñă klă klei bi mjĕ Việt Nam – Campuchia dưi mkŏ mjing lehanăn ksul mbŭ mŏng hƀuê ênuk bi hgŭm mguôp, thâo bi đru kyua klei hnŭk êngiê, êđăp ênang lehanăn đĭ kyar mŏng grăp ala čar, kyua boh tŭ mŏng ASEAN. Việt Nam mpŭ kơ dŭm klei đru mơ̆ng Campuchia hŏng hdră mtlaih êngiê djuê ana lehanăn đĭ kyar mơ̆ng Việt Nam. Việt Nam mñă srăng gĭr bi kjăp, mđĭ kyar klei bi mjĕ jăk siam mơ̆ng đưm lehanăn bi hgŭm kluôm hŏng Campuchia, ăt msĕ mơh klei bi mjĕ 3 ala čar Việt Nam – Campuchia – Lào.
Viết bình luận