Leh knăm drông, Khua gĭt gai Đảng Tổng Bí thư Tô Lâm lehanăn khua gĭt gai Lào Thongloun Sisoulith djă akŏ khua êmua gưl dlông dua ala čar mâo leh klei bi trông mđĭ hĭn klei hgŭm bruă duh mkra dua nah hlăm wưng tinăp.

Blŭ pŏk klei bi trông, Khua gĭt gai Đảng Tô Lâm lač Đảng, Knŭk kna lehanăn mnuih ƀuôn sang Việt Nam bŏ hŏng klei mơak mâo kkuh dông khua gĭt gai  Lào mbĭt hŏng mô̆ ñu, lehanăn phung khua êmua gưl dlông hriê čhưn gưl knŭk kna truh kơ Việt Nam; yap anei jing khua gĭt gai tal êlâo mơ̆ng ala tač êngao hriê čhưn leh klei bi kƀĭn prŏng 14 Đảng Cộng sản Việt Nam, bi êdah klei Đảng, knŭk kna Lào klei bi hgŭm yuôm bhăn, klei bi mguôp mơ̆ng khua gĭt gai Lào hŏng Việt Nam. Kơ kdrêč pô khua gĭt gai Lào Thongloun Sisoulith hơêč hmưi kơ boh tŭ dưn klei bi kƀĭn prŏng 14 mơ̆ng Đảng Cộng sản Việt Nam, lehanăn hơêč hmưi kơ Khua gĭt gai Đảng Tô Lâm lŏ dơ̆ng djŏ ruah jing khua gĭt gai gưl 14./.