Hruê 30/7 ti Anôk bruă Đảng gưl dlông, Khua gĭt gai Đảng Tô Lâm gĭt gai mmông mă bruă hŏng Anôk bruă hră mơar, Khua dŭm anôk bruă Klei bi kƀĭn tal 14 mơ̆ng Đảng leh anăn Anôk bruă ksiêm dlăng 40 thŭn mlih mrâo, čiăng bi leh hră mơar mă klei blŭ mguôp Klei bi kƀĭn bruă Đảng dŭm gưl. Khua gĭt gai Đảng mtă, čiăng kơ hră mơar dưi mâo hnơ̆ng jăk, klă sĭt jing pui mtrang êlan hlăm jih bruă kđi čar snăn dŭm anôk bruă  brei lŏ dơ̆ng ktuê dlăng, mbŏ, bi leh.

Pral, amâo dôk guôn klei blŭ dŭm gưl ôh ƀiădah brei ngă nanao tơl hră mơar Klei bi kƀĭn tal 14 mơ̆ng Đảng dưi bi mklă. Mbĭt anăn mprăp bi jăk klei găl, prăk bi liê čiăng bi kna, ksiêm yap leh anăn bi mklă bruă brei ngă êlâo, ti bruă ngă êdi. Leh anăn brei yap kơ klei hơĭt kjăp, tŭ dưn, ñĕ kơ klei mĭn wưng mă bruă. Khua gĭt gai Đảng Tô Lâm mñă klă, dŭm anôk bruă kƀĭn mđĭ klei thâo jih hnơ̆ng čiăng bi leh bruă knuă mâo jao kñăm mjing klei găl jăk hĭn kơ bruă sang čư̆ êa dua gưl ti dŭm alŭ wăl leh anăn dŭm anôk bruă lŏ dơ̆ng ngă bruă tŭ dưn.