Khua gĭt gai Đảng Tô Lâm bi mni dŭm boh tŭ dưn dưi mâo mơ̆ng dua alŭ wăl, ƀiădah ktrâo klă klei bi mguôp plah wah Kiên Giang leh anăn An Giang ka dưi bi lar boh tŭ dưn, wăt kơ dôk hlăm krĭng kñăm Yŭ Dhŭng.

Khua gĭt gai Đảng  bi êdah bi mŭt mbĭt dua čar knăm mkŏ mjing klei đĭ kyar mrâo mâo hnơ̆ng bruă duh mkra, wăl mnơ̆ng hdĭp lu jơr, iêo jak klei duh bi liê leh anăn mđĭ ai dưi bi ktưn krĭng. Khua gĭt gai Đảng Tô Lâm mñă kơ dua čar kñăm bi leh dŭm hnơ̆ng čuăn wưng thŭn 2020 – 2025, mprăp klă kơ klei kƀĭn kluôm bruă Đảng čar, mđing truh Klei kƀĭn kluôm bruă Đảng tal 14.