Tui si Khua gĭt gai Đảng, čhuang hlăm ênuk mlih mrâo, boh nik dŭm thŭn giăm anei. Anôk bruă nah tluôn – Kdrăp bruă mơ̆gn lĭng kahan mâo bi leh jăk bruă čuăn kăp kčĕ hŏng Anôk bruă Đảng kahan gưl dlông, Phŭn bruă lĭng kahan, djăp hdră kiă kriê, bi kjăp bruă bi mŭt mkŏ wĭt anôk bruă lĭng kahan. Bi sa hnơ̆ng klei mă bruă knuă mơ̆ng gưl dlông hlŏng kơ nah gŭ, hlue ngă jăk jih jang bruă lĭng kahan hlăm anh tluôn, kdrăp bruă lĭng kahan, mđĭ ai ktang klei thâo bi blah, đru mkŏ mjing êpul lĭng kahan khuăt kjăp, ênuk mrâo.

Hlăm wưng tinăp, tui si klei čiăng lŏ dơ̆ng mkŏ mjing êpul lĭng kahan, lehanăn anôk bruă nah tluôn – kdrăp bruă lĭng kahan bi mlih hŏng klei knhăk hĭn, hlăm kdrăp mrâo mrang, kjăp ai ktang dưi răng mgang lăn čar hlăm boh klei ară anei. Khua gĭt gai Đảng mtă kơ anôk bruă nah tluôn – kdrăp  bruă lĭng kahan lŏ dơ̆ng ngă 5 mta bruă čuăn jing bi kjăp, hriăm mjuăt, ngă djŏ djăm mta hdră mtrŭn, asăp mtrŭn, klei klah čŭn mơ̆ng gưl dlông, mơ̆ng bruă Đảng kahan gưl dlông phŭn bruă lĭng kahan boh nik hdră mtrŭn klei bi kƀĭn prŏng Đảng 14, Hdră mtrŭn klei bi kƀĭn prŏng Đảng kahan gưl 12, lehanăn dŭm hdră mtrŭn mơ̆ng phŭn bruă kđi čar mrâo mtrŭn./.