Hdră anei dưi mđĭ kyar hluê gru hmô sang êa drao kreh knhâo, “sang êa drao mtah”, ba yua kdrăp mrâo lehanăn klei thâo anak mnuih hlăm hdră ksiêm mkă dlăng, mdrao mgŭn, ba yua wăl anôk mdrao mgŭn, mdei săn, mđing truh kơ bruă ba yua kdrăp mrâo hlăm anôk bruă mdrao mgŭn ƀuôn prŏng phŭn hlăm wưng mlih mrô.

Hŏng ênoh duh êbeh 16.000 êklai prăk, hdră anei lŏ jing anôk ba yua lu kdrăp mrâo mrang hlăm hdră mdrao mgŭn. Blŭ ti knăm anei, Khua gĭt gai Đảng Tô Lâm mñă: Hdră anei djŏ guôp lehanăn bi sĭt hdră êlan mtrŭn mơ̆ng Đảng, Knŭk kna kơ klei mđĭ kyar bruă kreh knhâo, mđĭ kyar bruă duh mkra enegao knŭk kna, mđĭ hdră răng mgang, kriê dlăng klei suaih pral; mbĭt anăn brei ƀuh klei gĭr mơ̆ng ƀuôn prŏng phŭn hlăm bruă ba yua klei bhiăn, hdră mtrŭn mđĭ kyar dŭm hdră prŏng, mâo klei hmăi jăk sui./.