Blŭ hrăm hŏng phung mă ayŏng amai adei mă bruă hdăng, Khua gĭt gai Đảng Tô Lâm mñă klă, amâo djŏ knŏng hlăm bruă krŭ kdơ̆ng sua wĭt klei êngiê djuê ana, ƀiădah hlăm bruă mkŏ mjing leh anăn răng mgang yang ƀuôn ngă phŭn, mnuih mă bruă Việt Nam, hlăm anăn mâo phung mă bruă hdăng, jing nanao êpul kmeh gơ̆ng, nao êlâo hlăm klei mă bruă knuă, hlăm klei krŭ wĭt leh anăn mđĭ kyar bruă duh mkra, hlăm bruă hluê ngă bruă klam hdră êlan mơ̆ng lăn čar.

Khua gĭt gai Đảng Tô Lâm mñă klă leh anăn hmăng hmưi phung bruă bruă hdăng - mnơ̆ng gŭ lăn čiăng dưi bi klă hlăm dŭm mta kñăm, anăn jing: mđĭ hnơ̆ng jăk leh anăn boh tŭ dưn klei mă bruă. Kluôm dhar bruă čiăng lŏ dơ̆ng mlih mrâo klei mkra mjing, mtrŭt mđĭ ba yua masin, čŏng ngă bruă, dưn yua klei kreh knhâo mrâo mrang leh anăn bi mlih mrô hlăm klei gĭt gai, kriê dlăng anôk kuai mă. Khua gĭt gai Đảng Tô Lâm mñă kơ Êpul grŭp hdăng leh anăn mnơ̆ng gŭ lăn Việt Nam lŏ dơ̆ng kriê dlăng sang dôk, hdră đru kơ phung mă bruă. Boh nik čiăng mkŏ mjing wăl hdĭp êđăp ênang, mrâo mrang, đru kơ phung mă bruă mâo klei hơĭt mă bruă sui, bi mguôp hŏng anôk kuai mă.