Ti knăm anei, mơ̆ng Hà Nội, Khua gĭt gai Đảng Tô Lâm nao čuă êmuh, blŭ hrăm mđĭ ai phung knuă druh, lĭng kahan răng mgang knông lăn, bi ala knuă druh, mnuih ƀuôn sang lehanăn êpul kahan djă phao ktuang ti dŭm anôk mkŏ online mơ̆ng kđông kahan răng mgang knông lăn dŭm alŭ wăl. Mñă, thŭn 2025, sa thŭn mâo lu bruă yuôm bhăn, bruă mjêč brei ngă leh čiăng mjing tur knơ̆ng kơ wưng bi mlih mơ̆ng djuê ana, kyua anăn Êpul kahan răng mgang knông lăn brei mâo klei bi mlih prŏng čiăng dưi mâo dŭm mta kñăm, hdră kčah mơ̆ng thŭn 2025.

Ƀri wưng Têt truh yan mnga hruê, Khua gĭt gai Đảng mtă bruă hluê ngă kjăp Asăp mtrŭn mơ̆ng Anôk dlang bruă Đảng, mơ̆ng Khua knŭk kna lehanăn dŭm hdră kčah mơ̆ng Phŭn bruă lĭng kahan; mkŏ mjing hdră hiu suang dlăng, ksiêm dlăng kjăp êlan knông lăn, ƀăng jang knông lăn, krơ̆ng kjăp klei êđăp ênang bruă kđi čar, klei êđăp ênang ala ƀuôn krĭng knông lăn; ƀăng kang knông lăn hlăm wưng Têt; rơ̆ng djăp ênŭm hnơ̆ng čuăn, hdră mtrŭn jăk găl kơ phung lĭn kahan drông yan Mnga, mơak Têt trei mđao, mkiêt mkriêm, mđing dlăng kơ phung knŭk kna dlăng ba, gŏ sang ƀun ti alŭ wăl knông lăn, êa ksĭ, plao ksĭ./.