Bruă anei dưi bi klă sa knhuang mrâo hlăm wưng Việt Nam leh anăn Russia dôk pŏk mlar klei bi mguôp kluôm dhuôm hlăm dŭm mta bruă, boh nik hlăm bruă duh mkra, mnia mblei, dhar kreh leh anăn mjĕ êrô mnuih ƀuôn sang.

Bruă lŏ mkă phiơr kpă plah wah Hà Nội leh anăn Moscow amâo djŏ knŏng đru mtrŭt mđĭ klei mnia mblei leh anăn mđĭ kyar bruă hiu čhưn ênguê, ƀiădah lŏ bi êdah klei ƀuăn rơ̆ng hlăm bruă mđĭ hĭn klei bi mguôp hdră êlan plah wah dua ala čar. Mĭn tĭng, hlăm Klei kƀĭn anôk bruă duh mkra Việt Nam – Russia mkŏ mjing ti Moscow hlăm hruê 11/5, Vietnam Airlines srăng siñê hră bi hdơr hŏng 4 ƀĭng hgŭm bruă hiu čhưn ênguê mrô 1 mơ̆ng Russia. Ară anei, Vietnam Airlines ba yua leh êlan phiơr Hà Nội – Moscow hŏng dua gưl phiơr grăp hruê kăm hlăm knăm 2 leh anăn 4.