Khua gĭt gai Đảng Tô Lâm bi mni kơ klei tŭ êdah êdi mơ̆ng êpul lĭng kahan 9, mbĭt anăn, Khua gĭt gai Đảng mtă kơ Êpul kahan 9 lŏ dơ̆ng ksiêm dlăng êlam klei mĭn bruă lĭng kahan Hồ Chí Minh, êlan bruă lĭng kahan mơ̆ng Đảng, mđĭ hnơ̆ng jăk ngă bruă, ai ktang bi blah; mkŏ mjing klei jih jang mnuih ƀuôn sang răng mgang klei êđăp ênang lĭng kahan kjăp ktang;

Kƀĭn mkŏ mjing êpul lĭng kahan knhăk, khuăt, mrâo mrang, dlăng klei mtô bi hriăm jing klă sĭt, thâo yua phao ktuang, kdrăp mnơ̆ng, srăng bi blah hlăm djăp boh klei. Khua gĭt gai Đảng mtă, êpul kahan 9 ngă jăk nanao bruă čung ba mnuih ƀuôn sang, mđĭ klei bi hgŭm mguôp hŏng êpul lĭng kahan yang ƀuôn, mkŏ mjing klei kjăp hlăm mnuih ƀuôn sang.