Blŭ hrăm hlăm knăm anei, Khua gĭt gai lač, Pác Bó – Trường Hà amâo mâo djŏ knŏng jing anôk hing ang kơ hƀuê ênuk, ƀiădah lŏ jing anôk bi knăl yuôm bhăn kơ ai tiê tui duah klei hnŭk êngiê, lehanăn klei êpa mhao kpưn đĭ mơ̆ng djuê ana Việt Nam.

Kyuanăn, bruă rŭ mdơ̆ng sa boh sang hră knŭk kna čiêm rông tinei bi êdah klei mđing uêñ prŏng prĭng mơ̆ng Đảng, Knŭk kna hŏng bruă mjuăt bi hriăm, kñăm mđĭ hĭn boh tŭ klei mjuăt bi hriăm hđeh hriăm hră krĭng knông lăn, bi hrŏ êwang bi kpleh plah wah dŭm krĭng kwar, đru bi kjăp bruă răng mgang klei êđăp ênang hlăm alŭ wăl knông lăn. Khua gĭt gai Đảng lač, hlăm wưng tinăp srăng lŏ mâo lu boh sang hră mâo mdơ̆ng truh 248 boh sang hră hlăm 248 boh ƀuôn hgŭm ti knông lăn hlăm lăn hang, wưng tal êlâo jing 100 boh sang hră, mlih gưl (jing gưl 1; 2) ti dŭm boh ƀuôn hgŭm hlăm knông lăn mjing klei mjuăt bi hriăm jăk kơ phung hđeh hriăm hră kring knông lăn./.