Blŭ hrăm ti Cao Bằng, Khua gĭt gai Đảng Tô Lâm mñă, hdră Awa Hô wĭt kơ ala čar amâo djŏ knŏng čiăng lač kơ klei wĭt kơ ƀuôn sang, ƀiădah anei jing wĭt hŏng mnuih ƀuôn sang, hŏng djuê ana, hŏng ktuê êlan hnŭk êngiê, ngă phŭn cách mạng mơ̆ng Việt Nam. Mơ̆ng dŭm hdră êlan dưi bi kčah ti Cao Bằng, ktuê êlan cách mạng Việt Nam dưi bi mklă, mđing truh klei tŭ dưi mơ̆ng Hdră krŭ kgŭ kdơ̆ng mlan 8 thŭn 1945, mphŭn mkŏ mjing ala čar Việt Nam mơ̆ng mnuih ƀuôn sang, kyua mnuih ƀuôn sang lehanăn kơ mnuih ƀuôn sang.

Boh tŭ yuôm bhăn mơ̆ng hdră Awa Hô wĭt kơ ala čar amâo djŏ knŏng jing hdră hƀuê ênuk, ƀiădah lŏ jing klei hriăm yuôm bhăn. Ti anăp mnguh mngăt Khua gĭt gai Hồ Chí Minh khăp hơiêng, drei ƀuăn hgŭm mguôp kjăp, êbat nao kjăp ti ktuê êlan ruah leh, lŏ čuê knhuah gru Ñu lui, ngă bruă tŭ dưn, grăp anôk, dhar bruă, grăp čô knuă druh, đảng viên mđĭ klei đua klam anăp mnuih ƀuôn sañg, gĭr mkŏ mkra sa ala čar Việt Nam êđăp ênang, hnŭk êngiê, ngă phŭn mil pô, đĭ kyar, đru mguôp kơ klei êđăp ênang lehanăn đĭ kyar mơ̆ng krĭng lehanăn tar rŏng lăn./.