Drông pô bi ala Sri Lanka, khua gĭt gai Tô Lâm đăo knang hŏng klei thâo mơ̆ng sa čô ngă bruă hŏng tač êngao leh anăn thâo klă kơ alŭ wăl, Pô bi ala srăng mâo lu klei đru mguôp klă klơ̆ng mtrŭt mđĭ klei mjĕ giăm Việt Nam - Sri Lanka đĭ kyar jăk siam.

Tŭ ư hŏng hdră êlan bi klă klei đĭ kyar klei mjĕ giăm dua ala čar hlăm wưng kơ anăp mơ̆ng pô bi ala, Khua gĭt gai Tô Lâm lač čiăng kñăm mtrŭt mđĭ klei đăo knang bruă kđi čar, dŭm klei bi trông êpul dŭm gưl. Ăt hlăm hruê, drông 14 čô bi ala ba hră hưn mdah ala čar, Khua gĭt gai Tô Lâm hmăng hmưi phung bi ala hlăm wưng păn bruă srăng ngă jăk bruă klam jing kdrông mkŏ bi hgŭm, ksul mbŭ leh anăn mđĭ hĭn klei mjĕ giăm plah wah Việt Nam hŏng dŭm ala čar, mbĭt anăn mñă klă, Việt Nam srăng mkŏ mjing grăp klei găl čiăng kơ phung bi ala bi leh jăk bruă klam.