Khua knŭk kna mñă klă, hlăm boh klei krĭngg wăl leh anăn dlông rŏng lăn mâo lu klei bi mlih ară anei, klei bi hgŭm, mjĕ knhuah gru leh anăn bi hgŭm kluôm plah wah dua ala čar jing tur knơ̆ng kơ dua djuê ana hrăm mbĭt răng mgang klei êđăp ênang, hơĭt kjăp, mđĭ lar bruă mkŏ mjing bruă duh mkra êngiê hrăm mbĭt bi mguôp čiăng mđĭ kyar kjăp.

Dua khua gĭt gai ƀuh klei bi hgŭm Việt Nam - Campuchia lŏ dơ̆ng đĭ kyar jăk siam hlăm jih jang bruă. Klei bi hgŭm kđi čar - bruă hŏng tač êngao lŏ dơ̆ng dưi mđĭ ktang, bi êdah hlăm bruă dua tĭng khăng bi trông êpul, bi tuôm dŭm gưl. Klei bi hgŭm bruă lĭng kahan - klei êđăp ênang lŏ dơ̆ng ngă bruă klam phŭn. Klei bi hgŭm bruă duh mkra lŏ dơ̆ng jing klei mngač hŏng prăk hrui wĭt mnia blei dua nah đĭ kyar lu. Klei bi hgŭm bruă mtô bi hriăm - sang hră, dhar kreh, hiu čhưn ênguê, mjĕ êrô mnuih ƀuôn sang mâo mđing uêñ.