Tlam 14/01, Khua knŭk kna Phạm Minh Chính gĭt gai leh Klei bi kƀĭn tal 6 mơ̆ng Anôk gĭt gai ala čar hluê ngă klei ƀuăn mơ̆ng Việt Nam ti Klei bi kƀĭn COP 26. Klah čŭn, Khua knŭk kna mñă bruă Việt Nam ba mdah klei ƀuăn ti COP 26, hlăm anăn mâo mta kñăm kbiă êwa jhat wĭt hnơ̆ng “0” hlăm thŭn 2050, jing klei bi mklă bi êdah klei đua klam hŏng êpul êya tar rŏng lăn kyua klei đĭ kyar kjăp mơ̆ng ala čar.

Khua knŭk kna bi mni ai tiê pral, gĭr mơ̆ng knuă druh, dhar kreh, alŭ wăl, anôk bruă duh mkra lehanăn mnuih ƀuôn sang hlăm klei ngă bruă. Hluê Khua knŭk kna, hluê ngă mta kñăm kbiă êwa jhat wĭt hnơ̆ng “0” jing klei lông dlăng prŏng ƀiădah ăt pŏk klei găl mkŏ dăp hdră duh mkra hluê hdră mtah, kjăp, mđĭ klei ngă phŭn mil pô lehanăn ai bi ktưn. Mdrơ̆ng hŏng klei bi mlih yan adiê jing bruă klam brei hluê ngă, hlăm anăn mnuih buôn sang lehanăn anôk bruă duh mkra jing phŭn, nao hgŭm lehanăn hluê ngă ênŭm bruă klam mơ̆ng pô./.