Ti anôk bi kƀĭn, dŭm Phŭn, dhar bruă mñă leh klei gĭr bi hgŭm kjăp hŏng Knŭk kna hlăm hdră kriê dlăng bruă duh mkra kluôm thŭn 2026 lehanăn wưng ti anăp. Pŏk ngă Hdră mtrŭn 01, 02 mơ̆ng Knŭk kna, dŭm Phŭn ba mdah leh hdră ngă bruă hŏng mta kñăm gĭr ktưn lu hĭn mkă hŏng ênoh čuăn mâo jao, kah mbha bruă klam klă klơ̆ng kơ grăp čô khua kiă kriê êpul êya.

Blŭ hrăm klah čŭn, Khua knŭk kna mñă brei mjing boh kdrŭt đĭ kyar mrâo hŏng ai tiê jhŏng mĭn, jhŏng ngă, jhŏng đua klam. Khua knŭk kna mtă brei pŏk ngă kjăp Hdră mtrŭn Klei bi kƀĭn XIV mơ̆ng Đảng mơ̆ng akŏ thŭn 2026; hluê ngă mkiêt mkriêm 10% ênoh bi liê nanao, 5% duh mđĭ kyar kơ hdră êlan treng Lào Cai – Hà Nội – Hải Phòng, mbĭt anăn mđing duh kơ bruă lĭng kahan, hdră mđĭ kyar klei đru kơ ala ƀuôn./.