Tlam mbrue 23/12, ti Anôk bruă knŭk kna,  Khua knŭk kna Phạm Minh Chính kiă kriê leh klei bi kƀĭn mơ̆ng knŭk kna mă klei blŭ kơ bruă ruh mgaih klei dleh dlan bruă mkra êlan êdeh treng. Anăn jing dŭm kdrêč êlan: êdeh treng Lào Cai – Hà Nội – Hải Phòng, êlan êdeh treng pral Dưr – Dhŭng lehanăn dŭm êlan êdeh treng hlăm ƀuôn prŏng Hà Nội, ɃP.Hồ Chí Minh.

Blŭ klah čŭn hlăm klei bi kƀĭn, Khua knŭk kna čih pioh dŭm phŭn dhar bruă, alŭ wăl jih ai tiê mghaih msir, ngă leh lu kdrêč bruă hlăm thŭn   2025, boh nik bruă mlih mrâo hdră bhiăn êlan êdeh treng, bi leh klei bhiăn, hdră êlan mă bruă,. Khua knŭk kna mtă kơ phŭn bruă kreh knhâo, lehanăn kdrăp mrâo, phŭn bruă rŭ mdơ̆ng ksiêm wĭt ênoh čuăn ala tač êngao, ruah kdrăp mă bruă djŏ guôp pioh mkra êlan êdeh treng pral, rơ̆ng mâo klei tŭ dưn kjăp. Hŏng êlan êdeh treng Lào Cai – Hà Nội – Hải Phòng, mtă bi kiă kriê kjăp klei dôk mă bruă ktưn čiăng bi leh êmưt êdi hlăm mlan  3/2026; lehanăn mkra bi kjăp êlan kngăm mur hlăm ƀuôn prŏng Hà Nội, ɃP.Hồ Chí Minh.