Tlam (24/09), ti Anôk bruă knŭk kna, Khua knŭk kna Phạm Minh Chính gĭt gai leh Klei bi kƀĭn tal 4 Anôk gĭt gai mơ̆ng Knŭk kna kơ hdră mđĭ kyar kdrăp kreh knhâo – mrâo mrang, bi mlih mrâo lehanăn Hdră bruă 06. Hdră hluê ngă Hdră mtrŭn mrô 57 mơ̆ng Phŭn bruă kđi čar, truh kơ ară anei bruă kreh knhâo – mrâo mrang, bi mlih mrâo lehanăn bi mlih mrô mâo lu klei bi mlih. Mlan 8 thŭn anei, Việt Nam dôk hlăm Top 10 ala čar kơ hnơ̆ng yua Internet; 1/4 ênoh mnuih yua 5G, ba yua Anôk bruă mrô ala čar mrô 1, ba yua ktuê êlan klei kap quang ti lăn hang giăm 4000 km mkŏ hŏng 5 ala čar. Anôk bruă tuh tia mkra mjing kdrăp mrô bi mklă leh bruă klam phŭn hlăk 8 mlan êgao ênoh hrui mâo truh 3,2 êklăk êklai prăk…

Ti anôk bi kƀĭn, Khua knŭk kna Phạm Minh Chính lač, klă, dŭm hdră mtrŭn mơ̆ng Phŭn bruă kđi čar maoa ba mdah djŏ tuôm kơ bruă kreh knhâo – mrâo mrang, bi mlih mrâo lehanăn bi mlih mrô hlăm klei ngă bruă. Khua knŭk kna mtă brei mjêč ngă leh anôk bruă mrô dŭm gưl, dhar bruă hlăm thŭn anei. Khua knŭk kna mñă leh ai tiê pŏk ngă bruă mjêč, tŭ dưn, mjing boh kdrŭt kluôm dhuôm; mă mnuih ƀuôn sang jing phŭn, anôk bruă duh mkra jing phŭn, klei găl mâo mđing kơ hdră mđĭ kyar. Kơ bruă hluê ngă hdră knŭk kna alŭ wăl 2 gưl, Khua knŭk kna mtă brei mđing kơ hdră bi mlih mrô, boh nik ti gưl nah gŭ./.