Thŭn 2025 jing thŭn tal êlâo hlue ngă hdră mă bruă mrâo, hŏng eneoh bruă lu hĭn, đơ knua kiă kriê prŏng hĭn. Phŭn bruă mđing gĭt gai dŭm mta bruă knơ̆ng, bi mâo boh tŭ dưn jăk, hlăm anăn bi leh bruă mkra êlan dơ̆ng pral dưr dhŭng mơ̆ng Cao Bằng truh Cà Mau, tĭng truh knhal jih thŭn 2025 bi leh 3.345 km êlan dơ̆ng pral. Khua knŭk kna blŭ hrăm hŏng anôk bruă hlăm klei mđĭ kyar bruă nah gŭ, klei kơ sang dôk, rŭ mdơ̆ng sang hră ti knông lăn, mđĭ kyar ƀuôn prŏng, mkŏ mkra krĭng ƀuôn sang mrâo, lăm lui sang dôk êjai, sang tĭ ƀrôč.

Khua knŭk kna mñă thŭn 2026 brei bi leh bruă knuă jing prŏng, hlăm anăn mđĭ ti ênoh dua mrô. Kơ bruă mkra êlan êdeh treng pral dưr dhŭng, Khua knŭk kna mtă; hlăm mlan 12 lŏ bi ksiêm wĭt jih čiăng kơ mlan 1/2026 ruah hdră êlan duh bi liê, ruah kdrăp mă bruă, bi leh hlăm mlan 1/2026 bi hrŏng ruah hdră duh bi liê./.